Леб со киноа и хуск

Состојки:

• 200 г сварена и исцедена био киноа

• 180 г оризово брашно

• 40 г био хуск (лушпи од псилиум)

• 375 мл вода

• 20 мл оцет

• 1 лажичка сол

• 1 лажичка сода бикарбонат

• 1 лажичка мешани зачини

Инструкции:

1. Во блендер истурете ги сварената био киноа и водата и блендирајте 2-3 минути, додека не добиете хомогена смеса. Истурете ја во сад и додадете ги зачините, содата, солта и оцетот и убаво измешајте.

2. Додадете го оризовото брашно и хускот (лушпите од псилиум), измешајте и оставете настрана 15-20 минути, додека хускот да набабри.

3. Соберете го тестото со рака и ставете го во мало тавче обложено со хартија за печење. Обликувајте го по ваша желба, без да го месите или притискате.

4. Печете во претходно загреана рерна на 180°C околу 1 час. Оставете лебот целосно да се излади пред да го сервирате.

Овој леб со киноа и хуск (лушпи од псилиум) е идеален ако сакате нешто „вистинско“ во вашата чинија. За појадок со авокадо и домати, за ручек со хумус или паштета од зеленчук… Тој е доказ дека здравата храна може да биде вкусна, а домашната – нестандардна и инспиративна.