Спирулина -суперхрана што го менува телото

Што е спирулина? Спирулината е вид сино-зелена алга која природно расте во слатководни езера и реки, особено во региони со тропска клима. Таа е една од најстарите форми на живот на планетата и се користи со векови како храна поради нејзиниот богат нутритивен состав. Нејзиното име доаѓа од спиралната форма на нејзините микроскопски нишки.

Спирулината добива на популарност како додаток во исхраната поради нејзината висока содржина на протеини, витамини, минерали и антиоксиданти. Често се нарекува „суперхрана“.

Спирулината главно е достапна во форма на прав или таблети, што го олеснува нејзиното интегрирање во секојдневниот режим. Има благо земјен вкус, кој лесно може да се маскира со мешање во сокови, шејкови, смути или други јадења.

Спирулината содржи богат сет на хранливи материи неопходни за добро здравје. Една од нејзините најголеми предности е високата содржина на растителни протеини – околу 60-70% од нејзината тежина, што ја прави идеална за вегетаријанци и вегани.

Освен со протеини, спирулината е богата со витамините А, Б-комплекс (особено Б12), Ц и Е. Содржи важни минерали како калциум, магнезиум, железо и калиум, кои се клучни за одржување на здрави коски, мускули и добра циркулација на крвта.

Таа е одличен извор и на моќни антиоксиданти како фикоцијанин и бета-каротен. Овие супстанции помагаат во неутрализирање на штетните слободни радикали кои можат да доведат до хронични болести и забрзано стареење на клетките.

Што е уште поважно, спирулината содржи есенцијални масни киселини како омега-3 и омега-6, кои се важни за функцијата на мозокот и здравјето на срцето. Нејзиниот уникатен состав придонесува за целокупно зајакнување на имунолошкиот систем и енергетскиот метаболизам.

Здравствени придобивки од спирулината

Спирулината има бројни здравствени придобивки кои се поддржани од научни истражувања, иако некои од нив сè уште не се целосно докажани кај луѓето. Меѓу најпознатите од нив се:

Зајакнување на имунолошкиот систем: содржи антиоксиданти и витамини кои можат да ја поддржат имунолошката функција, но доказите кај луѓето не се целосно убедливи. Некои истражувања на животни покажуваат позитивен ефект врз имунолошкиот систем, но податоците за луѓето се сè уште ограничени.
Подобрување на кардиоваскуларното здравје: помага за намалување на нивото на „лошиот“ холестерол (ЛДЛ) и триглицеридите.
Регулирање на шеќерот во крвта: корисна е за луѓе со дијабетес, бидејќи помага во контролата на шеќерот во крвта.
Подобрување на варењето: содржи хранливи материи кои можат да ја поддржат нормалната функција на дигестивниот систем, но податоците за ефектите при гастритис и чир се ограничени.
Детоксикација: Спирулината покажува потенцијал да се врзува со тешки метали (на пр. олово, арсен) и да помага во нивното исфрлање од организмот, според истражувања на животни. Меѓутоа, за да се потврдат овие ефекти кај луѓето, потребни се дополнителни клинички испитувања.

Друго клинично испитување покажува дека двомесечниот внес на спирулина (2 г/ден) кај пациенти со дијабетес тип 2 доведува до значително намалување на нивото на шеќер во крвта како на гладно, така и по јадење, како и на HbA1c (гликолизиран хемоглобин), што укажува на подобрена долгорочна контрола на шеќерот во крвта.

Како и кога да се зема спирулина

Препорачаната дневна доза на спирулина варира помеѓу 1-3 грама, но во некои случаи може да се користат и повисоки дози. Доколку за првпат го земате овој додаток, започнете со помала доза и зголемувајте ја постепено. Најчесто спирулината се зема наутро, бидејќи кај некои луѓе има благ освежувачки ефект и може да помогне во концентрацијата во текот на денот. Иако не содржи кофеин и не делува како стимуланс, вечерниот внес може да влијае на сонот кај поосетливите луѓе. Може да се конзумира со вода, додадена во смути или во комбинација со храна, при што е важно да се почитува препорачаната дневна доза.Многу луѓе си го поставуваат прашањето „колку време се пие спирулина“ - добра опција е да се зема во циклуси од 1 до 3 месеци, проследени со пауза од 2-4 недели.