Енергетско барче со јаткасти плодови и сушени кајсии

Состојки

• 300 г крупни овесни снегулки

• 200 мл овесно млеко

• 120 мл био кокосово масло

• 130 г био путер од бадеми 

• 100 г суви кајсии

• 50 г био бадеми

• 50 г семки од тиква

• 3 супени лажици био чиа семе

• 100 г мед

• 1 1/2 лажичка прашок за печиво

• штипка сол

Начин на подготовка:

1. Загрејте ја рерната на 150°C и подгответе тавче обложено со хартија за печење.

2. Растопете го био кокосовото масло на водена бања.

3. Додека се топи, исечкајте ги био бадемите, семките од тиква и парчињата суви кајсии. Во сад измешајте ги сувите состојки: овесните снегулки, суви кајсии, јаткастите плодови и семките, прашокот за печиво и штипка сол.

4. Во посебен сад измешајте го веќе растопеното био кокосово масло со путерот од бадеми , медот и 200 мл овесно млеко  додека не добиете хомогена смеса.

5. Додадете ја течната смеса кон сувите состојки и убаво измешајте.

6. Распоредете ја смесата во тавчето со хартија за печење и печете околу 15 минути на 150°C или додека краевите не добијат златна нијанса.

7. Извадете го од рерната и оставете ја смесата целосно да се излади пред да ја исечете на правоаголни барчиња (плочки).