Малинова торта со мача

Состојки Основа:

• 150 г био бадеми

• 100 г ф’стаци

• 1 супена лажица премиум био мача

• 1 супена лажица био кокосов сируп

• малку вода

Крем:

• 500 г индиски ореви, претходно натопени 6 часа во вода

• 210 г био кокосово масло

• 200 мл кокосово млеко

• 200 мл био кокосов сируп

• 200 г замрзнати малини

• 1 супена лажица премиум био мача

• сок од 1/2 лимон

Начин на подготовка:

1. За основата, најпрво се блендираат јаткастите плодови, по што се додаваат 1 супена лажица премиум био мача, 1 супена лажица био кокосов сируп и вода за да се формира густа смеса. Смесата се истура во калап за торта и се обликува со притискање со прстите кон дното.

2. За да се добие кремот, се блендираат индиските ореви, кокосовото млеко и био сирупот од кокос, а на крајот се додава претходно растопеното био кокосово масло.

3. Кремот се дели на два дела: во едната половина се додаваат 200 г малини, а во другата – 1 супена лажица мача и сокот од 1/2 лимон.

4. Малиновиот крем се истура врз основата, одозгора густо се редат малини, по што се истура кремот со мача.

5. Тортата се остава да се стегне во фрижидер неколку часа.