Сладолед на стапче со мача и лимон

Состојки За кремот:

• 1/2 чаша индиски ореви

• 1 конзерва кокосов крем

• 1 супена лажица био кокосов сируп

• 1 лажичка рендана кора од лимон

• сок од половина лимон

За глазурата:

• 100 гр чоколадо со мача и лимон

• 1 лажичка био премиум мача

• 1 лажичка стопено био кокосово масло

• 30 гр ф’стаци

Начин на подготовка:

1. Натопете ги индиските ореви во врела вода околу 2 часа или преку ноќ.

2. Откако ќе бидат готови, ставете ги сите состојки за кремот во блендер и блендирајте додека не добиете хомогена смеса.

3. Распоредете ја смесата во калапи за сладолед, не заборавајте да ставите стапчиња и ставете ги во замрзнувач околу 3 часа или преку ноќ.

4. Пред да ги извадите од замрзнувачот, стопете го чоколадото со мача и лимон на водена бања.

5. Во меѓувреме, здробете ги ф’стаците, а потоа додадете ги во стопеното чоколадо. Потоа додадете ја и мачата и измешајте додека не добиете зелена чоколадна смеса.

6. Извадете ги сладоледите и потопете го секој од нив во чоколадната глазура.

7. Наредете ги сладоледите на соодветна подлога и вратете ги во замрзнувачот уште околу 15 минути.

8. Потоа, опуштено уживајте во ова слатко искушение, создадено да освежува.