Безглутенски тоскански крекери

Состојки:

• 1/4 чаша био чиа семе

• 1 чаша био бадемово брашно

• 1/2 чаша вода

• 1 кафена лажичка сушени домати во прав (или сушени домати на парченца/мелени, во зависност од текстурата)

• 1 супена лажица микс од италијански зачини

Начин на подготовка:

• Во сад измешајте ги био чиа семето и водата и оставете ги да набабрат околу 15 минути.

• Во длабок сад измешајте ги био бадемовото брашно и зачините (по желба можете да додадете  лук во прав или сусам). Кон нив додајте ја смесата од чиа и убаво промешајте.

• Обликувајте топче од добиената смеса и ставете го меѓу две хартии за печење.

• Расукајте го топчето во правоаголна форма или обликувајте го со раце. Колку потенко ја расукате смесата, толку покрцкави ќе бидат крекерите.

• Отстранете ја горната хартија за печење и исечете ја смесата на еднакви правоаголници. Ставете ги, заедно со хартијата за печење, во тава.

• Печете околу 15-20 минути во претходно загреана рерна на 180 степени.

• Оставете ги да се изладат, распоредете ги во чинии и уживајте во одличниот вкус на овие здрави крекери!